കോന്നാട് കടപ്പുറം “കെ പി കേശവമേനോൻ ബീച്ച് ” നാമകരണം ചെയ്യണം

കോഴിക്കോട് // പ്രമുഖ സ്വാതന്ത്ര്യസമര സേനാനിയും, സാംസ്കാരിക നായകനും മാതൃഭൂമി പത്രാധിപരുമായിരുന്ന കെ പി കേശവമേനോൻ അന്ത്യവിശ്രമം കൊള്ളുന്ന കോന്നാട് കടപ്പുറം കെ പി കേശവമേനോൻ കടപ്പുറം എന്ന് നാമകരണം ചെയ്യണമെന്ന്
വെസ്റ്റ്ഹിൽ വികസന കർമ്മ സമിതിയുടെയും തീരദേശത്തെ റസിഡൻസ് അസോസിയേഷൻ ഭാരവാഹികളുടെയും സംയുക്ത യോഗം ആവശ്യപ്പെട്ടു.

കടപ്പുറത്ത് നടത്തുന്ന വികസന പ്രവർത്തനങ്ങൾ ജനദ്രോഹപരമാ കരുതെന്നും തനതായ രീതിയിൽ സംരക്ഷിക്കണമെന്നും ആശങ്കകൾ പൂർണമായും ദൂരീകരിക്കണമെന്നും യോഗം അഭ്യർത്ഥിച്ചു. നിർദ്ദിഷ്ട സൈക്കിൾ കോർട്ട് നിലവിലുള്ള നടപ്പാതയിൽ നിർമ്മിക്കണമെന്നും അലങ്കാര ലൈറ്റുകൾ പ്രവർത്തനക്ഷമമാക്കണമെന്നും റോഡിനോട് ചേർന്ന ഭാഗം മോടിപിടിപ്പിച്ച് സന്ദർശകർക്ക് വിശ്രമിക്കാനുള്ള ഇരിപ്പിട സൗകര്യവും പാർക്കിംഗ് സൗകര്യവും ഒരുക്കണമെന്നും വോളിബോൾ കോർട്ട് പഴയ കേരള സോപ്സ് ഫാക്ടറിക്ക് എതിർവശത്ത് നിർമിക്കണമെന്നും യോഗം ആവശ്യപ്പെട്ടു.

റസിഡൻസ് കോഡിനേഷൻ കമ്മിറ്റി സെക്രട്ടറി ടി വി ശശികുമാർ ഉദ്ഘാടനം ചെയ്തു. വെസ്റ്റ്ഹിൽ വികസന കർമ്മ സമിതി ജനറൽ കൺവീനർ സുധീഷ് കേശവ പുരി അധ്യക്ഷത വഹിച്ചു .ഹർഷൻ കാമ്പുറം സ്വാഗതം പറഞ്ഞു. ഷിബി എം തോമസ് ,അഡ്വ.എം.രാജൻ, വളപ്പിൽ ശശിധരൻ, സൈഫുദ്ദീൻ ടി പി, ഉപേഷ് .വി,
എന്നിവർ സംസാരിച്ചു. പി കെ ശ്രീരഞ്ജനൻ നന്ദി പറഞ്ഞു.

മറുപടി രേഖപ്പെടുത്തുക

താങ്കളുടെ ഇമെയില്‍ വിലാസം പ്രസിദ്ധപ്പെടുത്തുകയില്ല. അവശ്യമായ ഫീല്‍ഡുകള്‍ * ആയി രേഖപ്പെടുത്തിയിരിക്കുന്നു