ഇതര സംസ്ഥാന തൊഴിലാളികൾ ആദ്യസംഘം യാത്രയായി

news@kochi
ലോക്ക് ഡൗണിനെ തുടർന്ന് സംസ്ഥാനത്ത് തിരിച്ചു നാട്ടിലേയ്ക്ക് പോകാൻ കഴിയാതെ വന്ന ഇതര സംസ്ഥാന തൊഴിലാളികളുടെ ആദ്യ സംഘം ആലുവയിൽ നിന്നും നാട്ടിലേക്ക് യാത്ര തിരിച്ചു.
ഒഡീഷയിൽ നിന്നുമുള്ള തൊഴിലാളികളുടെ സംഘമാണ് പ്രത്യേക ട്രെയിനിൽ നാട്ടിലേക്ക് മടങ്ങിയത്. വരും ദിവസങ്ങളിൽ മറ്റ് സംസ്ഥാനങ്ങളിൽ നിന്നുള്ളവരേയും നാട്ടിലേയ്ക്ക് എത്തിക്കാൻ റെയിൽവേ പ്രത്യേക സർവീസ് നടത്തുന്നുണ്ട്.

എറണാകുളം ജില്ലയിലെ 1148 പേരാണ് പ്രത്യേക വണ്ടിയിൽ പോയത്. വൈകീട്ട് ആറിന് പോകുമെന്ന് നേരത്തെ അറിയിച്ചെങ്കിലും രാത്രി പത്തുമണിയോടെ യാണ് യാത്ര തുടങ്ങിയത്. പലരേയും 35 പേരടങ്ങുന്ന സംഘമായി ബസിൽ എത്തിക്കുകയായിരുന്നു.

ലോക്ക് ഡൗണിനെ തുടർന്ന് സംസ്ഥാനത്ത് ഒറ്റപ്പെട്ട് പോയ തൊഴിലാളികളെ വഹിച്ച് കൊണ്ടുള്ള ആദ്യ ട്രെയിനാണ് ആലുവയിൽ നിന്നും പുറപ്പെട്ടത്. സാമൂഹിക അകലം പാലിക്കേണ്ടത് കൊണ്ട് തന്നെ 24 ബോഗികളുണ്ടായിരുന്ന പ്രത്യേക ട്രെയിനിൽ 1148 പേരെ മാത്രമേ യാത്ര ചെയ്യാൻ അനുവദിച്ചുള്ളൂ.

ഒഡീഷയിൽ നിന്നുമുള്ളവരെയാണ് പ്രാഥമിക ഘട്ടത്തിൽ തിരികെ അയച്ചത്. സ്ത്രീകളും കുട്ടികളുകളുമായിരുന്നു യാത്രക്കാരിൽ ഏറെയും. നാട്ടിലേക്ക് മടങ്ങാൻ താത്പര്യം പ്രകടിപ്പിച്ച് രജിസ്റ്റർ ചെയ്തവരാണ് ഇവർ. ഇവർക്ക് വേണ്ട വെള്ളവും ഭക്ഷണവും മന്ത്രി സുനിൽ കുമാർ കൈമാറി.

ഒഡീഷയിലെ ബുവനേശ്വറിലേക്കാണ് ട്രെയിൻ സർവീസ് നടത്തുന്നത്. ആലുവയിൽ നിന്നും പുറപ്പെടുന്ന ട്രെയിൻ മറ്റ സ്റ്റേഷനുകളിൽ നിർത്തില്ല. 34 മണിക്കൂറാണ് യാത്ര സമയം. വരും ദിവസങ്ങളിൽ മറ്റ് സംസ്ഥങ്ങളിലേക്കും പ്രത്യേക ട്രെയിൻ പുറപ്പെടുന്നുണ്ട്.

മറുപടി രേഖപ്പെടുത്തുക

താങ്കളുടെ ഇമെയില്‍ വിലാസം പ്രസിദ്ധപ്പെടുത്തുകയില്ല. അവശ്യമായ ഫീല്‍ഡുകള്‍ * ആയി രേഖപ്പെടുത്തിയിരിക്കുന്നു